PUBLICIDAD

El Gobiernu cuenta cerrar 9 de les 14 térmiques implantaes n'España en 2020 y el restu enantes de 2030

El secretariu d'Estáu d'Enerxía, José Domínguez, anunció esti xueves que nueve de los catorce centrales térmiques qu'hai n'España van pesllar en xunu de 2020, depués de nun facer les inversiones esixíes pola normativa europea en desnitrificación y desulfurización pa poder siguir cola so actividá, y cuente que les cinco restantes nun allarguen la so actividá acullá de 2030.

Iglesias cree que les elecciones xenerales podríen ser enantes de les municipales

El líder de Podemos, Pablo Iglesias, consideró posible que les elecciones xenerales aváncense mesmo a enantes de les municipales de mayu de 2019, porque señaló que'l Gobiernu tien bien difícil caltenese ensin aprobar los Presupuestos Xenerales del Estáu y gobernando a base de decretos: "Lo que sería sensatu ye facer elecciones", dixo.
PUBLICIDAD

El BOPA publica les ordenances d'usu del asturianu de Grau

El Boletín Oficial del Principáu d'Asturies (BOPA) d'esti vienres 16 de payares publicó la Ordenanza Municipal pal Usu de la Llingua Asturiana nel Conceyu de Grau, que foi aprobada pol plenu local na sesión celebrada'l 31 d'ochobre. Asina va procedese a l'apertura d'un períodu d'información pública y audiencia a los interesaos a lo llargo de trenta díes pa que puedan presentase reclamaciones y suxerencies.
PUBLICIDAD

El PSOE retira les referencies al vascu nes sos enmiendes al Estatutu pa "nun dar escuses al PP"

El secretariu xeneral del PSOE rioxanu, Francisco Ocón, anunció güei qu'esti partíu retira les referencies al vascu nes sos enmiendes a la reforma del Estatutu pa "nun dar escuses al PP". Nuna rueda de prensa sobre otru asuntu, y preguntáu polos periodistes, Ocón aportunó en que, dende'l PSOE, "lo que se quería yera contribuyir a la convivencia ente tolos españoles" y "el PP conoz la verdá, pero montó una polémica falsa".

Berta Piñán publica la so primer novela, 'Como la muda al sol d'una llagartesa'

Berta Piñán, ún de los nomes más importantes de les lletres asturianes acaba de publicar la so primer novela, 'Como la muda al sol d'una llagartesa'. La obra ye un thriller rural que foi merecedora del Premiu Xosefa Xovellanos 2017, el de más prestixu de les lletres asturianes, y que ye una de les poques noveles escrites por una muyer n'asturianu.
PUBLICIDAD