PUBLICIDAD

Alcoa tresllada al comité européu'l pieslle de les factoríes d'Avilés y A Coruña

La multinacional Alcoa anunció'l pieslle de les factoríes d'Avilés y d'A Coruña. Asina lo treslladó la empresa al comité européu, según informaron fontes sindicales a Europa Press. Los comités de les trés factoríes españoles de la multinacional, allugaes n'Avilés, A Coruña y San Ciprián tán celebrando una xunta urxente a la que-yos convocaron.

La 83 edición de Descensu del Seya va celebrase'l 3 d'agostu

El Comité Organizador del Descensu Internacional del Seya (Codis) yá ta trabayando na edición númberu 83 del Descensu Internacional del Seya, que se va celebrar el sábadu 3 d'agostu. Según informó'l Codis en nota de prensa, confirmóse yá que el Descensu Internacional del Seya va ser puntuable un añu más pa les Marathon World Series.
PUBLICIDAD

Los cuatro eurodiputaos asturianos escenifican el "consensu de la esquierda pa la oficialidá"

Los cuatro eurodiputaos asturianos en Bruxeles --Tanía González y Estefanía Torres (Podemos), Angela Vallina (IX) y Jonás Fernández-- mostraron esti martes el so apoyu a la llingua asturiana y al camín abiertu hacia un "consensu" que lleve la ofic...

El Rei va volver topar el vienres con una protesta n'Uviéu contra los Premios Princesa

El colectivu 'Marches de la Dignidá' entama, un añu más, una serie d'actividaes reivindicatives n'Asturies coincidiendo cola entrega de los Premios Princesa d'Asturies. Ente les actividaes, ta incluyida un pasucais esti vienres día 19 d'ochobre dende'l Conceyu d'Uviéu a la Plaza de la Escandalera, a unos metros del Teatru Campoamor, onde se va celebrar la ceremonia d'entrega de los Premios presidida por Felipe VI.
PUBLICIDAD

Calviño, "optimista abondo", cree que Bruxeles va dar una respuesta favorable al proyectu presupuestariu

La ministra d'Economía y Empresa, Nadia Calviño, mostróse esti martes bastante optimista" y cree que Bruxeles va dar una respuesta "favorable" al proyectu presupuestariu para 2019 unviáu pol Gobiernu español. Calviño, en declaraciones a TVE recoyíes por Europa Press, esplicó que, a pesar de la rebaxa "pequeña", d'una décima, nes previsiones de PIB pa 2018 y 2019, España sigue mostrando una "medría fuerte y importante", y perriba de la media de la UE.

La Seronda d'Avilés estrena allugamientu na Plaza de Les Aceñes

La XVI edición de la Seronda d'Avilés estrena allugamientu anguaño, porque va celebrase na Plaza de Les Aceñes los vienres 26 y sábadu 27 d'ochobre próximos. Esti eventu presentólu esti martes nel Conceyu d'Avilés la conceyala de cultura, Yolanda Alonso, y los representantes de la Federación Xuntanza d'Avilés, José Federico Álvarez, José María Villaboy y Marisa Luque, y la representante de la Estaya de la Llingua d'Avilés, Montserrat Machicado.

Australia estudia treslladar la so Embaxada n'Israel a Xerusalén

El primer ministru d'Australia, Scott Morrison, informó esti llunes de que ta estudiando la posibilidá de treslladar la Embaxada australiana n'Israel dende la localidá de Tel Aviv, onde ta agora, a Xerusalén. Canberra siguiría asina los pasos d'Estaos Uníos, primer país n'anunciar la midida diplomática n'apoyu al Estáu xudíu, un movimientu que xeneró dures crítiques de palestinos y líderes d'Oriente Próximu.
PUBLICIDAD