UVIÉU, 12 Ago. (EUROPA PRESS) -
El presidente del Gobiernu asturianu y secretariu xeneral de la Federación Socialista Asturiana (FSA-PSOE), Adrián Barbón, criticó esti vienres el baruyu xeneráu alredor a la situación del partíu en Xixón, y cerró files cola alcaldesa, Ana González, a la que sofitó na so decisión de presentase a la reelección.
Nunes declaraciones unviaes a los medios tres la so visita a la Feria de Muestres de Xixón, el presidente recordó que la FSA va sofitar a tolos alcaldes y alcaldeses que decidan optar a la reelección del cargu.
Énte una situación na que'l partíu ta falando públicamente d'asuntos internos", Barbón refugó'l baruyu qu'implica falar de sí mesmos y "non de los problemes de la xente", y sorrayó que situaciones como estes "nun dan seguridá". De la mesma, remarcó que la FSA y él como secretariu xeneral nun va caltener una actitú intrusiva" en nenguna agrupación municipal.
"Los ciudadanos nun perdonaríen enxamás qu'haya persones nel partíu que tean falando d'asuntos internos pa escontra fuera", dixo, cuando "lo qu'esmolez ye llegar a fin de de mes" o caltener l'empléu.
Lo qu'esmolez en Xixón, remarcó, ye que s'entamen les obres d'ampliación del Hospital de Cabueñes o de poner en marcha la regasificadora del Musel.
