EAEko Eskola Jantokien Batzordea eratu da

Euskal Autonomia Erkidegoko (EAE) Eskola Jantokien Batzordea eratu da ostiral honetan eta lehen bilera egin du Eusko Jaurlaritzak Gasteizen duen egoitzan. Hezkuntza Sailak bultzaturik, Jaurlaritzako hainbat sail, ikastetxeko publikoetako ordezkariak, guraso elkarteenak eta Hezkuntza Sailaren menpeko sukaldeko langileen ordezkariak biltzen ditu batzordeak.

EHU, Deustu eta Mondragon unibertsitateetako ikasleak Guggenheim Museoaren Lagun bihur daitezke 5 euroren truke

Guggenheim Bilbao Museoak lankidetza hitzarmen bat sustatu eta sinatu du Euskal Herriko Unibertsitatearekin (EHU), Deustuko Unibertsitatearekin eta Mondragon Unibertsitatearekin, bere 20. urteurrenaren baitan. Akordioari esker, hiru unibertsitateetako edozein fakultatetan matrikulatutako ikasleak Guggenheim Bilbao Museoaren Lagun izango dira, 5 euroko kopuru sinbolikoaren truke.

Bizkaian 7.204 milioi euro bildu dira azaroa arte, iaz baino 894 milioi gehiago

Bizkaian 7.204,6 milioi euro bildu dira zerga itunduen bidez azaroa arte, hau da, iazko epe berean baino 894,1 milioi euro gehiago. Beraz, urte arteko hazkundea %14,2 da, Bizkaiko Foru Aldundiak ostiral honetan jakinarazi duenez.

Donostiako 2018ko udal egutegia datorren asteartean banatuko da

Donostiako Udalak 2018ko udal egutegiak banatuko ditu doan aurten ere. Banaketa datorren asteartean izango da, abenduaren 19an, goizeko 11:00etan, udaletxearen Alderdi Ederreko sarrera nagusian, Udal Musika eta Dantza Eskolaren egoitzan, Altzako Udalinfo bulegoan eta Lugaritz (Antigua), Okendo (Gros), Ernest Lluch (Amara), Loiola, Aiete, Egia, Larrotxene (Intxaurrondo), Larratxo, Intxaurrondo eta Casares (Altza) kultur etxeetan.

Guggenheim Bilbao Museoak ateak zabalduko ditu astelehenean Museoaren Lagunentzako

Guggenheim Bilbao Museoak ateak zabalduko ditu datorren astelehenean, abenduaren 18an, arratsaldeko 16:30etik 20:30era, Museoaren Lagunentzat soilik. Horrela hasiko du "jarduerez betetako" Gabon kanpaina, museo bilbotarraren arduradunek jakinarazi dutenez.

The Sey Sisters taldearen gospel soinuak, abenduaren 21ean Bermeoko Kafe Antzokian

The Sey Sisters taldeak gospel kontzertua eskainiko du abenduaren 21ean, iluntzeko 20:00etan, Bermeoko Kafe Antzokian. Edna, Yolanda eta Kathy Sey ahizpek osatzen dute taldea, eta haiekin batera, Albert Bartolome pianista eta saxofonista izango da taula gainean.

Uemak batzar nagusia egingo du larunbatean, Ikaztegietan

Udalerri Euskaldunen Mankomunitateak (Uema) batzar nagusia egingo du larunbatean, abenduaren 16an, Ikaztegietako udaletxeko osoko bilkuren aretoan (Gipuzkoa). Bilkura goizeko 10:00etan hasiko da, eta, besteak beste, Orozkoko Udalak Ueman sartzeko egindako eskaera aztertuko dute erakundea osatzen duten 85 udalerri euskaldunetatik joandako dozenaka alkate eta zinegotziek.

EAEn 59.028 enpresa zeuden azaroan, urrian baino 107 gehiago eta iaz baino 19 gutxiago

Euskal Autonomia Erkidegoan (EAE) 59.028 enpresa zeuden erregistratuta Gizarte Segurantzan azaroaren amaieran, hau da, urrian baino 107 gehiago eta 2016ko hilabete berean baino 19 gutxiago, Confebask enpresa erakundeak argitaratu duen azken txostenaren arabera.

Gasteizko autobus elektriko adimendunak 42,8 milioiko aurrekontua du eta 2018ko hasieran lizitatuko da

Gasteizko autobus elektriko adimendunak 42.850.000 euroko aurrekontua izango du eta 2018. urtearen hasieran lizitatu ahal izango dela jakinarazi du ostegun honetan Arantxa Tapia Eusko Jaurlaritzako Ekonomiaren Garapen eta Azpiegitura sailburuak, Gorka Urtaran Gasteizko alkatearekin eta Ramiro Gonzalez Arabako ahaldun nagusiarekin batera ostegun honetan egin duen agerraldian.

Gregory Porter, Cécile McLorin, Carla Bley, Dave Holland, Michel Portal eta Zakir Hussain, 53. Heineken Jazzaldian

Donostiako Heineken Jazzaldiak 2018ko uztailaren 25etik 29ra ospatuko den 53. edizioaren lehen izenak ezagutatazri ditu ostegun honetan: Gregory Porter, Cécile McLorin Salvant, Carla Bley, Dave Holland, Michel Portal eta Zakir Hussain. Egitarau osoa urtarrilean iragarriko da eta otsailean jarriko dira sarrerak salgai, antolakuntzak jakinarazi duenez.

Prezioak %0,4 igo ziren azaroan EAEn eta urte arteko tasa %1,6 da

Kontsumo Prezioen Indizea (KPI) %0,4 gehitu zen Euskal Autonomia Erkidegoan (EAE) joan den azaroan, aurreko hilaren aldean, eta horrela, urte arteko tasa %1,6 da. Gainera, urtarriletik azarora, prezioak %1,1 gehitu dira, INE estatistika erakundeak jakinarazi duenez.

Arabako Foru Ogasunak 1.971 milioi euro bildu ditu azaroa arte, iaz baino %12 gehiago

Arabako Foru Ogasunak 1.971 milioi euro bildu ditu zerga itunduen bidez azaroa arte, hau da, joan den urtean bildutakoa baino %12 gehiago. Kudeaketa propioko zergen bidez 1.708 milioi euro bildu dira, iaz baino %5 gehiago, Arabako Aldundiak jakinarazi duenez.

Bertsozale Elkarteak finalera joateko antolatutako autobus zerbitzua 2.400 zalek erabiliko dute

Bertsolari Txapelketa Nagusiko finalera joateko autobus zerbitzua prestatu du Bertsozale Elkarteak, Aizpurua Autobusak taldearekin lankidetzan, eta 2.400 bertsozalek baliatuko dute aukera hori egunotan izena eman eta gero. Autobusen geltokiak eta ordutegiak www.bertsozale.eus atarian argitaratu dira. Finala BECeko Bizkaia Arenan jokatuko da, Barakaldon, igandean, abenduaren 167an.
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies